Целулитот е еден од најпознатите непријатни и тврдоглави кожни дефекти, со кој се соочува речиси секоја дама. Масажите, спортот, исхраната, козметиката се само дел од грижата што треба да ја вложуваме за да се ослободиме од кожа како кора на портокал.
Споделуваме три природни рецепти кои ќе ги практикувате во денот, во текот на најмалку две недели. Тие ќе помогнат за регулирањето на целулитот, но исто така и ќе ја затегнат кожата.
Крем со кафе и кокосово масло
Кафето е една од најчесто користените состојки за третман на целулит. Тоа не само што ги отстранува мртвите клетки од кожата, но има зацврстувачки и подмладувачки својства, помага за подобрување на метаболизмот на мастите. Потребните состојки се:
- ¼ чаша мелено кафе или талог од кафе
- 3 лажици кристален шеќер
- 2-3 лажици кокосово масло
Сите состојки се мешаат добро. Пилингот се нанесува со лесни масажни движења на влажна кожа. Потоа покријте ја кожата со проѕирна фолија за во домаќинството и оставете состојките да дејствуваат во рок од половина час. Конечно исплакнете со вода и нанесете хидратантен лосион.
Нега со алги
Состојки:
- 3 лажици алги во прав
- 1/4 чаша морска сол
- 1/4 чаша маслиново масло
- 5-6 капки етерично масло по ваш избор
Сите состојки се мешаат добро. Пилингот се нанесува со лесни масажни движења на кожата и потоа се остава да делува неколку минути. Откако ќе ја исплакнете кожата со вода, нанесете хидратантна крема.
Пилинг со кафе и маслиново масло / етерично масло
Едни од најдобрите етерични масла за намалување на целулитот се маслото од грејпфрут, портокал и мандарина. Комбинирајте неколку капки масло по ваш избор со талог од кафе или свежо мелено. Додаде толку масло, колку да се добие густа паста.
Нанесете кора врз кожата и масирајте неколку секунди. Потоа покријте ја кожата со проѕирна фолија и оставете состојките да дејствуваат 30 минути.