Многумина мислат дека единствениот начин да се направи сивата коса да изгледа убаво е да ја обоите во различна боја. Седите влакна претставуваат голем проблем и се прилично омразени.
Ако причината за ова е специфичната нега што ја бара седата коса, тоа би било разбирливо.
Сепак, седата коса е мразена најмногу затоа што е показател за стареење, од кое сите се плашат, иако тоа е нешто што неизбежно ќе дојде.
Седите влакна, како што напишавме, бараат посебна грижа. Може да остане свиленкаста и мека како некогаш, а со неа да ги направите сите фризури кои сте ги правеле претходно, додека косата ја имала својата природна боја.
Погледнете ги само многуте познати дами на возраста кои гордо ги носат своите сиви бои, како Хелен Мирен, Дајан Китон, Рита Морено и многу други.
Користете виолетов шампон
Веројатно сте користеле виолетов шампон ако сте ја бојадисале косата во минатото.
– Најдобар шампон за сите оние кои имаат седа коса е виолетовиот шампон. Овие тонови помагаат сивата коса да не пожолтува и овозможуваат белата коса да остане бела и живописна – објаснува професионалниот фризер од Лас Вегас и главен уредник на списанието „Најнови фризури“ Синди Маркус.
За виткана и покрупна коса, се препорачува наизменично да користите хидратантен и виолетов шампон.
– На овој начин и пружаш нега на косата, а воедно се грижиш и за нијансата, вели фризерката и посочува дека истата рутина може да се примени и со шампон за зголемување на волуменот доколку е потребна поголема исполнетост – вели Синди.
Користете регенератор
Неопходно е да ја снабдите вашата коса со хранливи материи, а токму за ова служи регенераторот за коса. Потребно е само да го изберете оној кој одговара на потребите на вашата коса.
– Ако имате груба текстура на косата, користете хидратантен мелем. За жените со мека коса, регенератор кој дава волумен е најсоодветен – вели Синди.
Редовно потстрижувајте ја косата
За косата да изгледа негувано и да има правилен облик, неопходно е редовно шишање. Фризерот Коди Ренегар на Гвинет Палтроу ја советува да ја средува косата на секои осум недели.
– Одржувањето на сивите врвови убави, чисти и остри ќе ја одржи косата долга и здрава – тврди тој.