Како што покажаа студиите, со конзумирање одредени намирници, можно е да се ослободите од штетните материи во организмот.
Лук
Ова растение има многу лековити дејства, па затоа меѓу народот го нарекуваат и природен антибиотик, затоа што помага во отпушување на дишните патишта, има антиканцерогено дејство, но и бројни антиинфламаторни ефекти кои ги потиснуваат габите и вирусите.
Лукот содржи алицин, кој е добар сојузник во борбата против инфекциите на респираторниот тракт, а како што покажале студиите, одличен е и за чистење на белите дробови на луѓето кои биле пушачи.
Лукот е најдобар кога се јаде сиров, но мора да се внимава да не го консумираат во големи количини оние кои имаат проблеми со варењето и желудникот.
Ѓумбир
Ова растение е познато и по бројните лековити состојки. Не само што го зајакнува имунитетот, туку е добар за воспалителни процеси, за регулирање на варењето, ја намалува надуеноста, но добар е и за отстранување на токсините од белите дробови и телото, па затоа се препорачува да го консумираат и поранешните пушачи.
Ѓумбирот се користи во многу јадења, но од него се прават и многу пијалоци и чаеви. Сепак, она што е важно да се напомене е дека не смеете да претерувате со консумацијата на ѓумбир, па за ова најдобро е да се консултирате со лекар или нутриционист.
Куркума
Во зачините кои ги користите при подготовката на храната задолжително вклучете ја куркумата, која според некои истражувања е одличен зачин кој го подобрува чистењето на белите дробови и ја регулира нивната состојба по пушењето. Куркумата во јадења е совршена за употреба со црн пипер.