Нутриционисти откриваат кои намирници никогаш не ги јадат, а зошто и вие треба да ги избегнувате
Сигурно знаете дека советите на нутриционистите за здрава исхрана налагаат да јадеме разновидна храна, повремено, да не го прескокнуваме појадокот…
Поточно, не треба да ги јадете во комбинација, односно во сендвич, како што често се случува за појадок.
Маргарин
Ако внимавате на вашата тежина, би можеле да изберете маргарин наместо путер бидејќи има помала содржина на маснотии и мислите дека е поздрав. Не сте во право!
„Повеќето маргарин се состои од високо преработени растителни масти, како што се палминото или маслото од соја. Подобро е да се земе мала количина квалитетен путер отколку да се јаде маргарин“, вели нутриционистот Меган Фалетра.
Сирење
Како можете да замислите сендвич без сирење? Сепак, нутриционистите велат дека сирењето е „забранета“ храна за оние кои сакаат да бидат послаби и поздрави. На телото му треба калциум, кој го добиваме од млечните производи, а вкусното сирење често е првата храна по која посегнуваме.
„Постојат многу подобри начини за внесување на калциум. Изберете млечни производи со пониска масленост, како што е јогуртот, и не заборавајте да вклучите и лиснат зеленчук, семки и други производи со малку маснотии отколку преработеното сирење“, вели Фалетра.
Месен нарезок или салама
Секаков вид на месо чие потекло е „невозможно да се утврди“ не треба да го јадете. „Телото треба да може да препознае што јаде. Ако не сте сигурни што е нешто затоа што поминало низ комплицирана обработка и е полно со хемикалии, не го јадете“, вели нутриционистката Габриела Ветере.
Паризер
„Месо што изгледа како розова смеса? Не, благодарам. Кој знае од што е направено. Еден лист неквалитетен паризер може да содржи до 17 грама масти и повеќе од 800 милиграми сол“, вели нутриционистот Кејли МекМорди.