Природното ѓубриво е најдобро за вашата градина, а голем дел од она што го користите во кујната, кога ќе се расипе, може да биде корисно за вашите растенија!
Кога ќе забележиме дека на млекото во фрижидерот му истекол рокот, веднаш го фрламе во корпа за отпадоци. Сепак, тоа не треба да го правите ако имате растенија во вашиот стан или двор! Млекото е всушност богато со амино киселини, ензими и протеини, кои го поттикнуваат растот на корисни микроби во градината. Покрај тоа, содржи и калциум, витамин Б и други корисни протеини кои им се потребни на растенијата. Затоа можете да го користите како природно и органско ѓубриво.
Сепак, можете да го користите и како пестицид. Всушност, млекото помага во борбата против вирусите кои ги напаѓаат лисјата, лисните вошки, габични заболувања и слично.
Млекото содржи елементи кои влијаат на изградбата на ѕидовите на растителните клетки, со што се овозможува полесна апсорпција на хранливите материи и балансирање на pH вредноста на почвата. Калциумот во млекото може да им помогне на растенијата да растат побрзо и да ги заштити од гниење.
Ако се прашувавте кои видови растенија најдобро се хранат со млеко, тоа се англиски бршлен, бегонија и африканска љубичица. Добар избор е и за заштита на зеленчукот, како што се тиквичките и доматите, особено ако ги одгледувате во градината.
Дури и кога е расипано, млекото ги задржува речиси сите корисни својства. Покрај кравјо, можете да користите и млеко од соја и бадем. Избегнувајте полномасно млеко, со вкус или со додаден шеќер.
Внимавајте: не претерувајте со количината на млеко! Премногу млеко може да има контраефекти. Се препорачува млекото да се раствори со вода, при што односот на течноста треба да биде 50:50. Истурете го растворот во шише со распрскувач, а потоа испрскајте ги листовите и почвата. Ако по половина час има траги од млеко на листовите, избришете ги со крпа.