Згодниот Дамијано Давид, фронтменот на групата Манескин, победникот на минатогодишната Евровизија, е човек за кој не престанува да се зборува.
Опсесијата со него се прелеа кај фановите на Евросонг ширум светот, па не престанува да расте бројот на слушатели на неговата музичка група и оние кои се маѓепсани од неговиот лик и дело. За жал на многу девојки, срцето на Дамијано Давид е освоено и припаѓа на италијанската инфлуенсерка Џорџа Солери, со која рокерот е во стабилна врска веќе три години.
Како што Џорџа го поддржува Демијан за време на неговите големи успеси, така и тој е покрај неа во важните моменти, па така фронтменот на Манескин беше со убавицата на промоцијата на нејзината книга „Госпоѓица Никој“ („La Signorina Nessuno“) во Рим.
Џорџа за оваа пригода се појави во долг жешко розов фустан со надувани ракави кои благо треперат додека оди. Необичниот предимензиониран модел го краси многу длабок V-деколте, а фустанот пламнува од половината и паѓа на подот, овозможувајќи и на убавицата да се чувствува поудобно на високите летни температури.
Станува збор за модел кој ја открива горната половина од грбот и изгледа многу практично и за дневни и за вечерни прилики во летната сезона, а Џорџа го комплетираше своето издание со мала розова чанта.
Кој воопшто би го забележал Дамијано Давид покрај таков фустан?