Кафето ќе го забрза вашиот метаболизам, а ако вежбате и јадете правилно, тоа може да резултира со потенок струк и порамен стомак.
Нутриционистката Лиза Ричардс предупредува дека различните пијалоци од кафе можат да додадат уште неколку калории на вашиот дневен внес, пишува „Eat This, Not That“.
Покрај тоа, ако пиете слатко кафе со вкусови, од кои е тешко да се откажете, тогаш тоа е причината за вишокот килограми. Сепак, чистото црно кафе, иако за некои не е вкусно, може да влијае на метаболизмот, па дури и да ви помогне да добиете рамен стомак.
Ако додадете цимет во кафето, брзо и лесно ќе ја достигнете целта.
– Циметот ја поттикнува термогенезата во организмот – објаснува нутриционистката Ричардс, и додава дека тоа е процес на загревање на телото и може да доведе до согорување на повеќе калории, исфрлање на вишокот течности од телото.
Покрај тоа, циметот е природна опција за стимулирање на термогенезата и секако е подобар избор од разни суплементи кои можат да го направат истото.