Експертите предупредуваат дека долготрајното црвенило на дланките може да биде ран знак за замастен црн дроб, што може да доведе до сериозни компликации
Дијагнозите на заболување на црниот дроб стануваат се почести поради се понездравиот начин на живот. Важно е да бидете свесни за поретките знаци на заболувања на црниот дроб – вклучувајќи го и оној што се појавува на вашите раце.
Експертите предупредуваат дека црвените дланки може да бидат ран знак за замастен црн дроб. Премногу маснотии во црниот дроб може да предизвика воспаление и лузни, што може да доведе до цироза, спречувајќи го овој вреден орган да ја врши својата работа. Откажувањето на црниот дроб може да влијае на многу органи во вашето тело. Акутната инсуфициенција на црниот дроб може да предизвика компликации како што се инфекција, недостаток на електролити и крварење. Без третман, и акутната и хроничната хепатална инсуфициенција на крајот може да доведат до смрт. Знаци на замастен црн дроб може да вклучуваат: отечен стомак, проширени вени, поголеми од вообичаените гради кај мажите, црвени дланки и кожа и очи кои изгледаат жолтеникаво. Дланките кои поцрвенуваат може да бидат резултат на проширување на капиларите, најмалите крвни садови во телото. Колку ќе стане црвено зависи од тоа колку е тешка основната болест, пренесува „Klix.ba“.
Некои здравствени експерти веруваат дека ова црвенило може да биде предизвикано од покачени нивоа на хормони и често може да биде наследно. Сепак, долготрајно црвените дланки може да бидат сериозен предупредувачки знак за замастен црн дроб.