Наместо да купувате пецива од пекара, направете домашни полжавчиња со сирење и ќе имате одличен појадок
СОСТОЈКИ:
- 500 гр готови кори
- 200 гр сирење
- 3 јајца
- 1/2 прашок за пециво
- 200 мл јогурт
- масло
Подготовка:
Ставете го сирењето, јајцата, прашокот за пециво, 3 лажици масло и јогуртот во сад. Сè изматете со вилушка. Листот готова кора попрскајте го со малку масло, па додајте две полни лажици сирење и со лажица премачкајте го по целиот лист.
Виткајте го во ролна и завиткајте во полжавче. Се редат во намрсен плех.
Ако остане фил, истурете го во средината на секој полжав.
Печете на 200 степени околу 45 минути додека добро да поруменат и да станат крцкави.