Ријана сега ретко се гледа во јавноста, целото внимание му го посвети на синот
Ријана и нејзиниот партнер АСАП Роки станаа родители на почетокот на мај. По раѓањето на синот, парот целосно се повлече од јавноста и се посвети на детето.
Пејачката го направи своето прво јавно појавување по породувањето во јули на музички фестивал во лондонскиот парк Кристал Палас за да го поддржи своето момче, а сега тие беа забележани на ноќно излегување во Њујорк.
Иако бременоста ја одбележа носејќи ексцентрични парчиња облека кои откриваа многу, што беше критикувано од многумина, сега Ријана е во прилично кежуал стил. Таа носи преголеми фармерки и широка, долга кошула, па многумина не би ја препознале. Стајлингот го заокружи со низа нараквици, синџири и прстени, накит без кој не излегува.
Музичката двојка се уште не го објавила името што го избрале за детето, што е уште еден пример дека држат се во строга тајност.
– Приватноста станува се поважна за парот, за да можат да уживаат во своето мало семејство. Кога беа само тие, често излегуваа и комуницираа со обожавателите. Сега со бебето се позаштитнички настроени. Ретко го оставаат бебето, а поради грижа за неговата безбедност, само сакаат да го држат подалеку од очите на јавноста – изјавил извор за „US Weekly“.