Бразилските крофни со кокос биле донесени во Бразил од италијанската миграција, а таму ги подготвиле како што можеле и ги додале состојките што ги имале.
Доколку сакате да патувате во Латинска Америка, барем во мислите, направете го овој познат специјалитет и послужете го со кафе или чај. Тие се многу вкусни и донекаде необични.
Состојки:
4 dl топла вода
10 гр сув квасец
2 лажици кафеав шеќер
2 лажици брашно тип 500
1/2 лажичка сол
110 мл кокос јогурт
300 гр интегрално брашно
2 лажички кокосово масло
1 жолчка од јајце
2 лажици пинаколада
30 гр кокосово брашно
30 гр шеќер во прав
Подготовка:
Прво растворете шеќер во 2 dl топла вода, потоа додадете квасец и две лажици брашно и почекајте да нарасне и да стане пенеста. Во добиената пенеста смеса додадете ги жолчките, кокосовиот јогурт, пинаколадата и соединете сè. На крајот додадете интегрално брашно за тестото да биде меко. Одделете две лажички кокосово масло и втријте го на површината на тестото.
Покријте со фолија и почекајте 30 минути тестото да нарасне. На секои околу 10 минути, тапкајте го тестото малку преку фолијата бидејќи треба да се шири околу садот и да има меурчиња на дното.
Намачкајте ги рацете со масло и подгответе се да го поделите тестото на помали топчиња, а потоа со чаша за ракија направете дупчиња на средината. Потоа расукајте го да добие форма на ѓеврек и ставете го во врело масло. Внимавајте бидејќи тестото е многу меко и пенесто, а се пржи многу кратко.
На крај измешајте шеќер во прав и кокосово брашно и во него виткајте ги жешките крофни. Пријатно!