Поради својот интензивен мирис и арома што неверојатно го збогатува вкусот на секое јадење, ориганото е еден од омилените и нашироко користени зачини, а незаменлив е како состојка во бројни тестенини и пици.
Веројатно не сте знаеле, но ориганото е народен лек и во медитеранските предели, каде ова растение повеќе се користи отколку кај нас.
Истражувањата покажаа дека има многу силно антиоксидативно дејство, далеку посилно од некои намирници кои секако се здрави, како што се јаболката или боровинките.
Чајот од оригано е ефикасен во борбата против бронхитис, настинка, болки во грлото и други проблеми предизвикани од пад на имунитетот или нарушување на цревната флора. Вистина е дека дивото оригано има поголеми и посилни лековити својства од домашното оригано.
Доколку сакате да го направите сами, ставете една лажичка до два мелени листови оригано во тенџере со зовриена вода. Оставете го покриено најмалку пет минути, а потоа процедете го и испијте го. Вистина е, сепак, дека овој чај може да има прилично необичен, можеби дури и непријатен вкус, ако користите домашно оригано, па затоа е подобро да го набавите од продавница за здрава храна.
Не дозволувајте целосно да се излади, бидејќи тогаш неговиот вкус воопшто не е пријатен.