Иако конечно дојде времето кога целулитот повеќе не е она што беше пред неколку години, има моменти кога сакате да изгледате беспрекорно. И да бидеме јасни на самиот почеток – целулитот не е ништо за срам, а го имаат повеќето луѓе, од познати дами до професионални спортисти.
Како да се ослободите од целулитот?
За волја на вистината, кората од портокал не е нешто од кое можете лесно да се ослободите, има многу врска со генетиката, како и со исхраната и начинот на живот. И за сето тоа е потребно време.
Затоа, во моментите кога сакате вашата кожа да изгледа целосно мазна, не е лоша идеја да ги користите триковите што ги користат шминкерите и стилистите кога сакаат нивните славни клиенти да изгледаат беспрекорно и да се „подготвени за сликање“ на црвениот тепих.
Суво четкање како спас
Пред употреба на кој било производ, пудра за тело или хајлајтери, креми со светки и слично, се советува да се направи пилинг со суви четки. Со помош на сува четка со мали кружни движења ќе ги отстраните мртвите клетки од кожата и ќе ја оставите горната површина на кожата мазна. Сувото четкање исто така ја подобрува циркулацијата и го олеснува нанесувањето на навлажнувачки производи.
По суво четкање, задолжително нанесете крема што мора да биде лесна по текстура, односно хидратантна, но не и мрсна.
Измешајте го маслото за тело со малку пудра
Познатиот шминкер Киндра Ман вели дека најдобриот начин да го направите целулитот помалку видлив е да измешате малку масло за тело со течна пудра. „На тој начин визуелно ќе ја изедначите бојата на кожата и ќе и дадете блескав изглед“, вели шминкерот.
Користете производи што ја рефлектираат светлината
Бронзерите, илуминаторите и течните хајлајтери се одличен начин да ја „залажете“ камерата. Ова е особено добро кога сте надвор или на настани што се случуваат навечер/ноќ, бидејќи треперливите честички рефлектираат светлина и ги заматуваат „несовршеностите“.
Најдете ја вистинската нијанса на пудра за тело
Познатите шминкери велат дека пудрите за тело се многу добар начин да се сокрие целулитот. Можете да користите и пудри за лице, но мора да бидете подготвени дека ќе остане поголемо количество од производот, а се препорачува и да ги сетирате нозете со камена пудра.
Следниот чекор е да ја пронајдете вистинската нијанса, а бојата на пудрата треба да биде до две нијанси потемна од нијансата на вашата кожа, што ќе ви помогне поуспешно да ја покриете кората од портокал.
Користете blurring производи
Производите за замаглување, како што се одредени прајмери, ќе помогнат да се намали појавата на целулит. Таквите производи можат да ви помогнат и кога сакате да ги прикриете вените или стриите.