Медот е намирница која содржи висок процент на минерали, витамини и протеини, па многумина го сметаат за една од најздравите намирници.
Медот одлично делува на дигестивниот процес, ја поттикнува работата на цревата и ја нормализира столицата. Истражувањата покажаа дека медот има корисен ефект врз гастроинтестиналните заболувања кои се придружени со зголемување на желудочната киселина. За чир, на пример, докажано е дека помага во заздравувањето на слузницата на желудникот, кога медот треба да се зема еден и пол до два часа пред оброците или три часа по оброците.
Нутриционистите нагласуваат дека медот содржи важни амино киселини неопходни во секојдневната исхрана. Од есенцијалните има тирозин, треонин, хистидин, лизин, цистин, валин и метионин, а од неесенцијалните глутаминска киселина, серин, аланин, пролин, аргинин, глицин. Содржи и минерали калциум, фосфор, хлор, флуор, никел, железо…
Благодарение на високата содржина на едноставни шеќери (овошен и гроздов), витамини, минерали и сл., медот е скапоцена, природна, лесно сварлива намирница, која откако ќе влезе во телото, поминува директно во крвотокот. Медот е многу погодна храна за децата и спортистите, старите и немоќните, како и за сите оние кои се занимаваат со физичка или интелектуална работа.
Ако стекнете навика да јадете една лажица мед секое утро на празен стомак, неговите придобивки, според Институтот за микробиологија и паразитологија на Медицинскиот факултет на Универзитетот во Риека, се следните:
Го отстранува вишокот килограми
Можеби медот со сите негови калории звучи како необичен начин за слабеење, но всушност многу помага. Истражувањата покажаа дека консумирањето мед наместо производи полни со сахароза има подобри ефекти и резултира со намалување на тежината. Покрај тоа, апчињата за контрола на телесната тежина имале полоши резултати од медот. Значи, само природно!
Помага при мамурлак
Едно истражување покажа дека медот помага да се намали интоксикацијата со алкохол и го забрзува процесот на негово отстранување од крвните садови. Како одличен лек за мамурлакот, медениот шеќер прелиен врз банана брзо испраќа гликоза во крвотокот и помага да се вратите во нормала.
Со медот до поквалитетен сон
Еден од најстарите и проверени методи за поттикнување на сонот е консумирањето мед пред спиење. Топлото млеко или чај од камилица со неколку лажички мед предизвикува ослободување на инсулин, кој пак го испраќа триптофанот во мозокот. За возврат, тој е одговорен за ослободување на серотонин, кој станува мелатонин и го регулира ритамот на спиењето. Вистински домино ефект, но накратко – медот ќе ви помогне да заспиете порано и поцврсто.
Го намалува нивото на анксиозност и стрес
Само затоа што има вакво влијание на сонот, медот ќе го намали и нивото на стрес со кој се среќавате секојдневно, бидејќи ќе ви овозможи доволно квалитетен сон.
Го намалува нивото на холестерол
Високото ниво на холестерол може да биде фатално, предизвикувајќи срцев удар и мозочен удар. И редовното консумирање мед го ограничува скокот на гликозата во крвта и го намалува вкупното ниво на холестерол и триглицериди, покажа студијата.
Ја подобрува меморијата и здравјето на мозокот
Холестеролот во телото може да влијае и на болестите на мозочниот систем и да доведе, на пример, до Алцхајмерова болест. Сепак, редовното консумирање мед го намалува нивото на холестерол и на тој начин го одржува вашиот мозок поздрав.
Го зајакнува имунитетот
Полн со антиоксиданси и антибактериски својства, медот е вистинскиот начин за зајакнување на имунитетот кој е загрозен од недостаток на сон, несоодветна исхрана и многу стрес.