Постојат неколку методи кои можете да ги користите за да одредите дали вашите јајца се расипале
Без разлика дали се пржени, варени, или печени, јајцата се најзастапени во менито за здрав појадок. Нема што не можете да направите со нив. Само затоа што ги користиме толку често, постојат многу ризици од јадење расипани јајца. А главниот е инфекцијата со салмонела, која може да предизвика дијареа, повраќање и треска.
Затоа, важно е да препознаете дали јајцата што планирате да ги консумирате се расипани. Постојат неколку методи со кои можете да одредите.
Проверете го рокот на траење на пакувањето
Ова можеби изгледа како глупав совет, но проверката на рокот на траење на кутијата со јајца е првиот чекор во одредувањето на нивната свежина. Обично сакате да ги користите јајцата во рок од три до пет недели од купувањето. Во секое време после тоа постои ризик да бидат расипани.
Направете визуелен преглед
Како изгледаат вашите јајца во картонот? Ако некои се испукани, сметајте ги за контаминирани и фрлете ги. Лигава или прашкаста материја на лушпата е исто така знак за потенцијална контаминација. Кога ќе го пукнете јајцето, побарајте знаци на распаѓање и каква било розова или зелена промена на бојата. Фрлете го ако видите некоја од овие појави.
Пробајте го тестот со плутање
Наполнете сад со вода и потопете ги јајцата во него. Тие што ќе потонат се „прифатливи“, а јајцето што плови е веројатно старо. Иако се уште се технички безбедни за јадење, јајцата пловат кога во нивната лушпа се формира мал воздушен џеб по неколку недели.
Помирисајте и погледнете
Ако сакате да бидете сигурни, скршете го јајцето во сад и помирисајте го пред да го користите. Но, како да ја проверите свежината на јајцата кога лошите јајца мирисаат како обични јајца? Запомнете, она кое е со изминат рок има мирис на сулфур, кој навистина смрди. Ако мириса на ѓубре, фрлете го во ѓубре.
Но, дури и ако не мириса, погледнете го. Свежото јајце, подготвено за јадење, ќе има сјајна и густа жолчка, додека постарото ќе изгледа бледо и истрошено, со разлеана жолчка.
Можно е јајцата да „траат“ и да делуваат прифатливо по истекот на рокот, но тоа не се препорачува бидејќи може да бидат контаминирани со штетни бактерии и потенцијално да предизвикаат здравствени проблеми.