Ослободете се од комарците за само неколку чекори
Освен што се многу досадни и го нарушуваат уживањето во природата и поминувањето време на отворено, каснувањата од комарци можат да бидат многу иритирачки, па дури и болни. Затоа заштитата во текот на летниот период е императив, пишува магазинот „City“.
Но, наместо репеленти кои се полни со хемикалии и други несакани состојки, кои можат многу да му наштетат на организмот, многу подобра опција се средствата за заштита од комарци на природна база. Во овој поглед особено се препорачува природно масло од лимонски еукалиптус. Се работи за есенцијално масло кое вообичаено се користи самостојно поради неговото благотворно, смирувачко дејство, но може да се додаде и во природните средства против бубачки.
Подолу ви откриваме рецепт за домашен репелент против комарци со ова есенцијално масло во главната улога.
Потребно е:
- 1 стаклено шише со распрскувач
- 25 капки етерично масло од лимонски еукалиптус
- 60 мл кокосово масло
Подготовка:
Измешајте ги сите состојки во стаклено шише со распрскувач и добро протресете пред нанесувањето. Овој спреј можете да го нанесете на вашата кожа и облека, само внимавајте да не ви влезе во очи.