Британскиот „Експрес“ пишува за тоа како принцезата од Велс Кејт Мидлтон можеби ќе мора да се откаже од дел од облеката што досега ја носела бидејќи е несоодветна за идната кралица.
Фактот дека Кејт Мидлтон и принцот Вилијам се следните во редот за британската круна може да влијае на стилот на облекување што Кејт го има досега. Модните експерти велат дека по смртта на кралицата Елизабета Втора, Кејт најверојатно ќе мора да ја направи гардеробата поформална и посоодветна за нејзината позиција.
– Нејзината беспрекорна облека без сомнение ќе остане стилска како порано. Но, нејзиниот имиџ ќе продолжи да се развива за да ја одрази новата фаза во нејзиниот кралски живот – рече стилистката и додаде:
– Бевме сведоци како Кејт се трансформира од „девојка од соседството“ во софистицирана и елегантна дама со стил.
Експертот открива дека Кејт сега можеби ќе се одлучи за поформален стил и ќе мора да престане да носи неколку додатоци.
– Фенси додатоци за капи, како панделки и украси ќе бидат отстранети – изјави стилистот.
Исто така, одредени дезени како оние со туфни ќе мора да се заменат со „беспрекорни кроеви кои совршено ја надополнуваат нејзината грациозна фигура“.
Психологот за бои вели дека принцезата од Велс сака фустани со точки бидејќи тие се совршена алтернатива за балансирање на елеганцијата и софистицираноста со забавен и полежерен изглед, а Кејт Мидлтон носеше еден таков фустан на финалето на Вимблдон.
Чантите кои се омилениот додаток на принцезата од Велс ќе останат дел од нејзиниот стајлинг бидејќи додаваат допир на гламур во секоја пригода, а имаат и свој кралски јазик. Слични редовно носеше кралицата Елизабета Втора.