Симптомите на сериозни болести може да се откријат во пазувите.
Кога последен пат сте направиле добар преглед на пазувите? Ако не сте, треба, бидејќи лекарите велат дека овој дел од телото може да предупреди на одредени болести, од кои некои се многу опасни, па дури и смртоносни.
Првиот проблем, кој се смета за еден од најнеопасните, е хиперхидрозата. Потењето е нормална појава, но доколку е зголемено, најчесто укажува на проблем во работата на потните жлезди.
Во нормални услови, нервниот импулс предизвикува мускулот во пазувите да се контрахира, тој се стега и исфрла капки течност. Сепак, овој процес може да се наруши, па се јавува зголемено потење без оглед на некои надворешни фактори кои вообичаено влијаат на тоа, како физичката активност.
Според советите на невролог, во случај на зголемено потење потребно е зголемување на личната хигиена, секојдневно туширање, а во екстремни случаи два до три пати во 24 часа. Се препорачува и употреба на антиперспиранти (не дезодоранси), односно производи кои го спречуваат потењето. Доколку тоа не помогне, постои и опција за инјектирање на ботулинум токсин во пазувите, кој има задача да ги наруши контракциите на мускулите кои произведуваат пот. Овој третман штити од прекумерно потење шест месеци.
Црн пазув или акантоза
– Ова е знак за неколку болести. Првото нешто што треба да го направите е да го измерите шеќерот во крвта, бидејќи може да се работи за дијабетес. Овој симптом може да укажува и на рак на желудникот, кој треба да се провери со гастроскопија. Исто така, акантозата може да биде придружена со дебелина, но овде дијагнозата може да се постави и визуелно – изјави кардиологот Херман Ганделман.
Ако се појави зголемен лимфен јазол во пределот на пазувите, ова е исто така причина за претпазливост.
– Зголемениот лимфен јазол е многу непријатен знак. Во случај на овој симптом, постои можност да се работи за малигно заболување, како што е, на пример, рак на дојка, бидејќи тоа е пределот на млечната жлезда. Исто така, на овој начин може да се манифестираат и ракот на белите дробови, лимфомите и некои видови леукемија – типично е пазувите да бидат зафатени од болеста – изјави имунологот Андреј Продеус.