Конфликтот меѓу Хари и Меган и остатокот од британското кралско семејство не стивнува со години, а во претходниот период не заостанаа ниските удари ни од едната ни од другата страна.
Сепак, се чини дека палатата, од смртта на кралицата Елизабета, се обидува да ги понижи колку што е можно повеќе, а британските медиуми сега пишуваат за новиот потег на институцијата како уште еден во низата понижувања за Хари и Меган.
Имено, војводата и војвотката од Сасекс се преместени на самото дно на веб-страницата на кралското семејство, а нивните фотографии сега се веднаш до оние на принцот Ендру.
Да се потсетиме дека претходно нивните фотографии, кои водеа до страниците посветени на Хари и Меган, беа поставени на средината на страницата, под постарите членови на кралското семејство и над малолетниците. Но, по ажурирањето на страницата овој септември, по смртта на кралицата Елизабета Втора, Хари и Меган сега се ставени под принцезата Александра и војводата и војвотката од Глостер, далечни роднини на кралицата.