Одредени намирници многу влијаат на квалитетот на сонот, па затоа е многу важно што јадете доколку сте будни до доцна. Поради оваа причина, за вас избравме што е препорачливо да „грицкате“ во ситните часови, а што апсолутно не.
Секогаш избегнувајте слатки навечер, бидејќи шеќерот почнува да делува во нашиот организам дури по неколку часа. Така, постои можност да се разбудите во текот на ноќта и да не заспиете повеќе, додека наутро ќе се чувствувате уморни и исцрпени.
А овие намирници се одлични за безгрижен сон:
Мелатонин
Мелатонин е хормонот одговорен за спиењето, па затоа се препорачува да консумирате храна која го содржи пред спиење. Почнете да јадете цреши, семки од тиква (бели семки) и пуканки. Семките се богати и со магнезиум, кој ќе им помогне на вашите мускули да се релаксираат, што доведува до полесно заспивање, додека пуканките се богати со серотонин – хормон кој го регулира циклусот на спиење.
Против ‘рчењето
‘Рчењето никогаш не било добро или пријатно – особено за личноста која спие до вас. Пред спиење јадете цитрусно овошје – лимон, грејпфрут, портокал или мандарина бидејќи се богати со витамин Ц, кој го регулира ‘рчењето. Едноставно направете салата од ова овошје или менувајте го овошјето секоја вечер и јадете го како здрава вечера/ужина.
Против лошите соништа
Верувале или не, храната што ја јадеме може да има ефект врз она за што сонуваме. Кошмарите и грдите соништа никому не му се непознати, но и онака не ни се допаѓаат. Пред спиење јадете храна која е богата со магнезиум и на тој начин ќе си обезбедите мирен сон.
За поубави и имагинативни соништа
Интересните, авантуристички соништа се одлични за секого и за разлика од кошмарите, ние ги сакаме! За подобри соништа, јадете малку сирење за вечера, како и храна богата со витамин Б6. Ви препорачуваме банани и туна!
