Во тренд или губење време, прашањето е…
Од статусот „во врска“ до „соло“ има многу видови на врски, кои не се баш нормални!
Поранешен – сегашен – повремен
Навикнати сте да бидете заедно, па сè уште не сте во можност целосно да се откажете. Не сакате повеќе да бидете во врска, сте раскинале со добра причина, но кога се чувствувате осамено, тој сепак ви е доволно привлечен за да договорите дружење. Иако ова не е најздравиот крај на врската, барем сте во добри односи додека не дојде следниот.
Те сакам, но се плашам да го кажам тоа
Двајцата сте целосно луди еден за друг и сите околу вас можат да го видат тоа освен, се разбира, вие двајцата. Премногу сте исплашени да му ги признаете своите чувства, како и тој вас. Наместо тоа, се преправате дека сте целосно рамнодушни и вечно одложувате да ги однесете работите на следното ниво.
С.О.С.
Единствениот пат кога тој ви се јавува или вие му се јавувате е кога некој од вас сака некоја акција. Вие и тој никако не сте компатибилни и не ви ни паѓа на памет да комуницирате со него, освен кога се договарате да се дружите. Можеби и тој не е идеалниот кандидат за тоа, но од сите други опции, тој е најмалото зло.
„Не сакам врска во моментов, но не сакам да се гледаш со други момци“
Ова е една од најбесмислените лажни врски кои постојат. Бил јасен како ден кога ви кажал дека не го интересира врска, но запаѓа во маѓепсан круг на лошо расположение штом спомнете некој друг. Последното нешто што ви треба е маж кој ќе чека со месеци или години да се одлучи, додека има момци кои би „убиле“ за врска со вас.
Врска за која „не ви е гајле“
Во врска сте, но од само вам познати причини се однесувате како ниту вие ниту тој да не се грижите. Ниту еден од вас не сака да изгледа премногу ангажирано и заљубено, па се однесувате како рамнодушни ледени брегови, а всушност и двајцата сте жешки гејзери на кои им е грижа.