Поради неговите корисни својства, маслиновото масло е добро познато и се користи во козметиката. Длабоко ја храни кожата и ја регулира хидратацијата. Има антиинфламаторно дејство кај разни кожни болести, за заздравување на рани и изгореници. Ја храни косата и ѝ дава сјај, ја храни по изложување на сонце, го смирува скалпот, а заедно со косата ги зајакнува и ноктите.
Рецепт за зајакнување и спречување на опаѓање на косата
- 2 лажички маслиново масло
- 4 лажички шеа путер
- 20 капки есенцијално масло од рузмарин (хемотип на кинеол)
- 10 капки есенцијално масло од кедар Атлас (масло од кедрово дрво)
Шеа путерот омекнете го на пареа и додадете ги маслиновото и есенцијалното масло и убаво измешајте. Смесата се користи пред миење на косата. Втријте го во коренот на косата, оставете да делува околу 30 минути, а потоа измијте ја косата како и обично. Можете да го користите ова еднаш или двапати неделно.