Хуго Викерс, кралскиот биограф, тврди дека историјата се повторува и дека принцот Хари го чека истата судбина како Едвард VIII.
На сите ни е познато како принцот Хари со поддршка на сопругата Меган Маркл ги отфрли должностите на кралското семејство, ја напушти Велика Британија и реши да живее во Америка. Причината? Преголем медиумски притисок, премногу обврски…
Но, каква беше судбината на Едвард VIII?
Едвард VIII бил порано крал на Англија, но абдицирал во 1936 година за да се омажи за разведената американка Волис Симпсон. На ова силно се спротивставила британската влада, но Едвард решил да го следи неговото срце.
Иако Едвард VIIIникогаш не признал дека се кае за својата одлука, еден локален биограф тврди дека „никогаш не видел никого со толку тажни очи“ како поранешниот монарх.
„Доколку го разбудите во 4 часот наутро и го прашате дали се кае, тој ќе рече не. Но, ако го погледнете во неговите очи, ќе видите море од тага“, вели авторот.
Г-дин Викерс тврди дека принцот Хари изгледа исто толку несреќен како Едвард Осми, со кого принцот ја дели речиси истата судбина.
„Што се однесува до принцот Хари, кој знае што ќе се случи со него? Мислам дека изгледа прилично мизерно и очајно“, рекол биографот.
Кралскиот биограф се осврнал и на новата одлука и на владеењето на Чарлс III, кој решил да ја „намали монархијата“ и со тоа да ги рационализира трошоците.
„Не знам како може да ја намали монархијата, кога луѓето сакаат да ги видат. Кралицата и принцот Филип имаа околу 2.000 организации околу нив. Сегашната монархија нема принц Ендру, нема принц Хари. Кој ќе работи сега ?”
Се чини дека на Британците не им се допаѓа новиот портрет на кралското семејство, на кој се прикажани само четири члена: кралот Чарлс III, неговата сопруга кралицата Камила, принцот Вилијам и принцезата Кејт.
Сите потајно се надеваа дека на овој портрет ќе се најде и принцот Хари, но тоа не се случи и на сите им „боде очи“, пишува Дејли мејл.