Многумина, меѓу оние кои сакаат да ослабат, се спротивставуваат на здравите принципи на исхрана, па сметаат дека некои кратенки и магични формули би им помогнале да стигнат до идеалната линија…
Никакво исфрлање на „озлогласената“ храна или воведување на „добрата“ храна која би требало да направи нешто магично со килограмите нема да ви помогне да изгубите тежина доколку, покрај тоа, внесувате повеќе калории отколку што треба, вели нутриционистката Марија Ѓурковиќ и издвојува неколку прашања кои најчесто се поставуваат, а почнуваат со „Дали побрзо ќе ослабам ако…
Дали побрзо ќе ослабам ако…
Не јадам после 18 часот?
Времето на последниот оброк треба да биде најмалку два до три часа пред спиење. И тоа е сè што се однесува до правилата за часовниот распоред.
– Ако ја прескокнете вечерата, да, можеби побрзо ќе ослабете, но поверојатно е, кога сте премногу гладни, следниот ден да надоместите се. Затоа, нема побрзо да ослабете, само ќе усвоите уште една лоша навика – вели нутриционистката.
Воведам физичка активност?
Со корегирана исхрана одговорот е „да“.
– Слабеењето е побрзо ако вежбаме, бидејќи на тој начин ги согоруваме калориите кои ги внесувавме преку храната. Сепак, морам да нагласам дека физичката активност не може да доведе до слабеење доколку не сте во калориски дефицит – предупредува Марија.
Го исфрлам лебот од исхраната?
Веројатно ќе го направите тоа, но не затоа што лебот ве дебелее, туку затоа што така ќе го намалите бројот на калории што ги внесувате. Затоа не го исфрлајте лебот, туку прилагодете ги количините, советува Марија.
Пијам лимон и вода пред појадок?
Не, водата со лимон никако не влијае на слабеењето.
– Ако ви се допаѓа оваа комбинација, односно не ви пречи на стомакот, можете да ја пиете пред појадок или во секое време од денот, но нема никаква магична моќ – вели нутриционистката.