Непријатните мириси на стапалата ги предизвикуваат бактериите и задолжително измијте ги стапалата пред да ги облечете чевлите. Добро исушете ги, особено меѓу прстите.
Користете пудра за стапала која ќе ги одржува суви со часови по нанесувањето.
Не носете исти чевли или патики секој ден. Така ќе станат навистина смрдливи. Направете пауза од најмалку еден ден, ако не и два, помеѓу носењето.
Оставете мелено кафе во алуминиумска фолија во чевлите преку ноќ. Меленото кафе ќе ги „собере“ непријатните мириси. Во чевлите можете да ставите и кора од портокал.
Периодично бришете ја внатрешноста на чевелот со крпа натопена во алкохол, бидејќи ќе ги убие бактериите и на тој начин ќе спречи ширење на непријатните мириси.