Среќната боја на паричникот во 2023 година се толкува врз основа на кинескиот календар и фенг шуи. Бидејќи 2023 година ќе биде година на водениот зајак, овие нијанси се издвојуваат како магнет за изобилство.
Според кинескиот хороскоп, моментално сме во годината на водениот тигар, но на 22-ри јануари 2023 година започнува лунарната година на водениот зајак и ќе трае до 24-ти февруари 2024 година. Годината на зајакот се смета за исклучително позитивна и просперитетна, покрај тоа што ги одложува конфликтите и расправиите, носи мир, прави луѓето да бидат поотворени, попозитивни, повеќе да се фокусираат на радоста, а не само на проблемите.
Годината на зајакот обично носи ртење, раст и развој. Затоа, за некои хороскопски знаци ова е одлична година за поставување на основите на деловен и професионален пат. Според фенг шуи, затоа е важно да користиме алатки кои дополнително можат да ни помогнат да ја зајакнеме добрата енергија.
Кога станува збор за боите, експертите за фенг шуи истакнуваат дека најсреќните бои во 2023 година се црвената и розовата, но и сината и зелената. Можеме да избереме облека во овие нијанси и да ја украсиме куќата или канцеларијата со предмети во среќни бои во 2023 година. Сепак, она што многумина најмногу ги интересира е која боја се препорачува за паричник.
Постојат одредени фенг шуи правила за паричникот да привлече повеќе пари, а во 2023 година црвената се издвојува како најпрепорачлива боја за изобилство, пари, просперитет. Сепак, најважно е тоа што го носите да ви се допаѓа, бидејќи ако не се чувствувате удобно со тоа, тогаш ништо друго не е важно.
Доколку не ви се допаѓа паричникот во црвена боја, во годината на водениот зајак можете да купите паричник во темно сина боја, бидејќи таа е симбол на водата, а самата вода симболизира изобилство и благосостојба. Во овој контекст може да се користи и темнозелен паричник.
Можеби ќе сакате да подарите паричник на некоја сакана личност за Нова година, па обидете се да го изберете во црвена, темно сина или темно зелена боја и не заборавајте да ставите барем малку пари внатре – паричникот никогаш не се дава празен.