Во вторник, 25 октомври, ќе има делумно затемнување на Сонцето, а во исто време оваа појава се поклопува и со датумот на младата месечина. Делумно затемнување се очекува околу 15 часот.
Овој период „ја отвора вратата“ и може да формира нови енергетски патишта. Има нова свежа енергија која ќе влијае на нови инспирации. Ова всушност значи дека под влијание на младата месечина ќе почнеме да се чувствуваме инспирирани за нови животни промени.
Бидејќи Венера е многу активна во овој период, дополнително ќе влијае на љубовната сфера на нашиот живот. Ќе бидеме поотворени за заљубување, запознавање нови луѓе, како и можност за зајакнување на постоечките врски, без разлика дали се тоа партнерски, семејни или пријателски.
Сите напори што ќе ги вложите во овој период за да го проширите своето срце, да ја развиете вашата заедница и да ги усогласите вашите вредности ќе бидат тројно зголемени под влијание на оваа енергија, затоа искористете ја можноста што ви се појавува.
Новата месечина е одлична за започнување нови бизниси, за запознавање што може да се претвори во љубов, за садење градини и ниви, за купување поголеми работи во куќата, за започнување на изградба на куќи, за свадби и крштевки… Накратко , за се што треба да расте и вроди со плод. Добро е и да се потстрижите за да ја направите косата побујна и поцврста, но и да ги исфрлите старите работи од дома, како и да подарите некому нешто.
Младата месечина претставува крај на еден циклус и почеток на нов кој трае 28 дена. Сонцето заедно со Месечината (во врска) дава стимулирачка енергија и иницијатива. Значи, ова е одлично време за нов почеток, вртење нов лист или започнување нов проект. Исто така, може да ги преиспитувате старите навики, однесувања и верувања додека барате нови и инвентивни начини да се движите напред.