Машината за перење е еден од апаратите што се користи речиси секојдневно во повеќето домаќинства. Инвестирањето во ваков уред не е евтино, па се очекува да работи со децении. Меѓутоа, со текот на времето ја губи својата ефикасност, послабо мие, а алиштата веќе го немаат очекуваниот мирис.
Поради оваа причина, и машината за перење треба да се чисти од време на време, па иако би помислиле дека тоа е невозможно денес, таа може работи со години како што работела првиот ден.
Се што ви треба се неколку состојки кои ги имате дома.
Знаете дека содата бикарбона е повеќенаменска состојка и дека нејзината употреба во домаќинството е неограничена, но со алкохолниот оцет станува моќна алатка која ги отстранува и најтврдокорните дамки.
Извадете ја фиоката со прегради за прав и омекнувач и натопете ја во раствор од сода и оцет. Оставете да отстои малку, а потоа користете стара четка за заби или сунѓер за да ги отстраните преостанатите нечистотии.
Потоа во диспензерот истурете околу 30 грама сода бикарбона, а во делот за омекнувач истурете 2 dl алкохолен оцет. Во барабанот на машината за перење сипете уште 20 грама сода бикарбона и два децилитри оцет.
Вклучете ја програмата со највисока температура и оставете ја машината да го изврши циклусот на перење.
Алкохолниот оцет ќе ја изврши целата работа за дезинфекција, бидејќи не само што го чисти барабанот на машината за перење, туку и навлегува во цревото и ја испушта водата, каде што ќе го отстрани насобраниот варовник.
Повторувајте го овој процес на секои три месеци и машината ќе работи како штотуку да сте ја купиле.