Тексасот, а особено фармерките, никогаш нема да излезат од мода. Нивната практичност и лесното одржување ги прават најпопуларното парче облека. Сепак, треба да знаете како да ги одржувате правилно.
Имено, перењето фармерки во што е можно поладна вода ќе го намали собирањето. Сепак, не перете повеќе од еден пар фармерки во исто време, бидејќи нијансите и боите може да се измешаат. Исто така, потребно е да се внимава на тоа фармерките што помалку да се собираат, но и што помалку да се гужваат при перењето.
Колку фармерките ќе се соберат при перењето зависи првенствено од начинот на обработка на ткаенината за време на производството. Доколку не е третирана со хемикалии или со процесот на санфоризација, тие може да се намалат до десет проценти за време на миењето во топла вода. Затоа, пред да купите, прашајте го продавачот за квалитетот на ткаенината. Смалувањето може да се избегне и со перење фармерки во што е можно поладна вода.
Користете што е можно помалку детергент, освен ако не сакате вашите нови фармерки да изгледаат измиено што е можно поскоро. Ако сакате бојата да трае, превртете ги одвнатре. Најдобро би било да ги исушите надвор на воздух. Ако користите машина за сушење, одржувајте ја температурата што е можно пониска.
За да изгледаат излитено, производителите ги перат фармерките со средства кои го разградуваат памукот. Сепак, сличен ефект можете да постигнете и со, на пример, шмиргла.