Кога љубовната врска ќе заврши, во најголем дел оние кои биле во неа се чувствуваат како целиот свет да се распаднал околу нив.
Колку и да била напната и неподнослива ситуацијата во врската, крајот секогаш изгледа како најтрагичното сценарио од сите. Разбирливо е дека сте целосно растргнати одвнатре и се чувствувате како половина од вас да недостасува. Тешко ви е да прифатите дека е готово, што е доказ дека вашите чувства биле искрени.
Сепак, она што секој го сака по раскинувањето е да најде ефикасен начин да ја преболи личноста. Природно е да сакате малку да си ги олесните работите, а не да ги отежнувате. Но, големи се шансите дека несвесно правите работи што ја продолжуваат вашата болка. Кои самоуништувачки работи треба да престанат ако сакате да го преболите бившиот?
Престанете да го следите на социјалните мрежи
Ќе ви биде повеќе од предизвик да „останете пријатели“ со бившиот на социјалните мрежи по раскинувањето. На овој начин секогаш ќе гледате што прави, со кого се гледа и каде се движи. Но, зошто би сте си го правеле тоа себеси? Веќе нема ништо интересно за вас на неговиот профил. Со кого излегува и како го поминува времето без вас, не е ваша работа. Затоа престанете да го следите на социјалните мрежи.
Не се распрашувајте за него
Ако веќе сте раскинале, навистина нема смисла да прашувате за него. Меѓутоа, на луѓето кои ве познаваат и двајцата им е многу лесно да ви кажат работи за него, дури и ако не сте ги прашале. Може да биде меч со две острици. Од една страна сакате да знаете дали тој страда за вас и потенцијално сака да се помирите, додека од друга страна не сакате да знаете ништо за него. Во таква ситуација најдобро е да го прекинете секој што ќе ви го спомне и да кажете дека не сакате да знаете ништо.
Не му пишувајте пораки (особено не под дејство на алкохол)
Голема е веројатноста дека веднаш по раскинувањето ќе ви недостига бившиот толку многу што ќе почувствувате потреба да го контактирате за да разговарате со него за тоа што се случило меѓу вас двајца. Сепак, ова само ќе ги влоши работите, особено ако го правите додека сте под дејство на алкохол. Ако му испратите порака и тој не одговори, ќе се чувствувате прилично мизерно. Исто така, ако му се јавите и тој го одбие повикот, тоа ќе ви го спушти егото на минимум.
Не влегувајте веднаш во нова врска
Иако поединци се колнат дека единствениот вистински лек за заборавање на една личност е да започнете врска со друга, ова е навистина погрешен начин. По раскинувањето, на сите ни треба време да го обработиме она што се случило и да ги излечиме нашите срца. Не би сакале да бидете нечија врска за закрепнување, нели? Па зошто би искористувале некој кој е апсолутно невин на таков начин?
Престанете да се присетувате само на добрите работи
По раскинувањето, се чини дека нашиот сопствен ум си игра со нас и не тера да се сеќаваме само на добрите работи од прекинатата врска. Последователно, забораваме на работите кои биле лоши и кои довеле до раскинување. Да било се навистина толку одлично, немало да сте таму каде што сте сега. Навистина треба да се потрудите да се соочите со реалноста ако сакате да продолжите понатаму.
Не обидувајте се да му се вратите
Само немојте! Ако тој човек навистина ве сака, би ве барал и би иницирал помирување со вас. Ако решил да раскине и само така да ве пушти, покажете малку достоинство и не се обидувај да се смирите со него. За да се смират двајца, потребна е иницијатива од двете страни, што значи дека не вреди да се трудите сами да поправите нешто.