Верувале или не, чајот од камилица е одличен чај за желудникот. Го смирува, помага при гасови, а неговото благо дејство ќе го ублажи дејството на желудочната киселина која поради гастритис се издига до хранопроводникот.
Помага и при дијареа, која е предизвикана од дигестивни проблеми. Помага при гадење и менструални болки. Се препорачува и за опуштање на организмот и за ублажување на ефектите од хемотерапијата, која е доста агресивна за организмот и ја нарушува цревната флора.
Овој чај се подготвува така што во 250 милилитри зовриена вода се додава една лажичка суви цветови од камилица. Оставете да отстои 5 до 10 минути и испијте го.
Забелешка: не очекувајте билните чаеви веднаш да имаат позитивни ефекти. Тие нема да делуваат по неколку употреби. Кога станува збор за чајот за желудникот и цревата, потребно е да бидете упорни и да го слушате вашето тело.
Понекогаш ќе бидат потребни и до неколку недели редовно пиење чај – до 3 шолји дневно – за да почувствувате некои позитивни ефекти. Значи, неколку дена во никој случај не се доволни за подобрување на симптомите.