Според една статија објавена во Journal of Pharmacology & Pharmacotherapeutics, речиси 50 отсто од светската популација има недостаток на овој витамин, што треба да биде причина за загриженост, имајќи предвид дека витаминот Д е клучен за коските.
Во приказната за недостаток на витамин Д секогаш оди и приказната за сончањето како најдобар начин да се добие овој витамин. Сепак, што треба да се има на ум кога е зимскиот период во годината, а недостатокот на витамин Д мора да се реши.
Ако обрнете внимание на просторот во аптеката каде што стојат витаминските суплементи, сигурно ќе забележите голем број на суплементи на витамин Д. Има добра причина за тоа!
Според една статија објавена во Journal of Pharmacology & Pharmacotherapeutics, речиси 50 отсто од светската популација има недостаток на овој витамин, што треба да биде причина за загриженост, имајќи предвид дека витаминот Д е клучен за коските.
„Витаминот Д е од суштинско значење за нашето тело бидејќи помага во апсорпција на калциум. Тој служи, меѓу другото, да го блокира ослободувањето на хормони кои можат да доведат до кршливи коски“, тврди нутриционистот Кери Ганс.
Со други зборови, витаминот Д е многу важен, а многумина од нас не добиваат доволно од него. За да дознаете дали можеби сте еден од нив, прочитајте што треба да знаете за недостатокот на витамин Д и видете дали земањето суплементи може да го подобри вашето здравје.
„Жените во постменопауза, жените на долгорочни стероиди и мајките кои дојат имаат зголемени потреби за внес на калциум за да ги одржат нивните коски силни. Исто така, во однос на пренаталното здравје, витаминот Д е важен за развој на здрави фетални коски“, вели Ганс.
Недостатокот на витамин Д е почест кај луѓето со темна кожа, бидејќи зголеменото количество меланин што го имаат луѓето со темна кожа служи како природна бариера за УВ зрачењето. Слично на тоа, луѓето кои редовно користат креми за сончање со фактор 30 или повеќе може да имаат намалено ниво на витамин Д.
Телесната тежина и исхраната исто така играат важна улога во добивањето на витамин Д. За луѓето кои се дебели, суплементацијата на витамин Д како дел од редовната исхрана може многу да придонесе за постигнување на оптимални нивоа во телото, а исто така за луѓето кои се хранат вегански.
„Лицето кое јаде строго веганско може да има малку поголем ризик од недостаток на овој витамин, бидејќи таквата исхрана не вклучува храна богата со калциум“, вели нутриционистот Ганс.
„Бидејќи најчеста причина за недостаток на витамин Д е неизложувањето на сончева светлина, поважно е тој витамин да се зема во текот на зимата. Покрај тоа што зависи од тоа каде живеат луѓето, положбата на сонцето во зима не дава доволно силни ултравиолетови Б зраци да продрат во атмосферата.
Исто така, има малку намирници кои содржат витамин Д. Најдобар извор на витамин Д се масните риби како лососот, туната и скушата“, вели Ганс.
Секако нашите коски не се единствениот дел од телото кој има корист од зголеменото ниво на витамин Д. Постојат некои докази кои укажуваат на врска помеѓу нивото на витамин Д и расположението, како и некои истражувања кои сугерираат врска помеѓу недостаток на витамин Д и симптомите на депресија.
Иако сегашните истражувања на оваа тема се ограничени и недоволни, а додатоците на витамин Д секако не се гаранција за зголемување на нашето расположение, тие не носат ризици по здравјето додека се придржуваме до препорачаните дози, назначени на етикетите на овие додатоци.
„Нема потенцијална штета во земањето на препорачаната доза, но за да имате вистинска корист од додатокот, треба да се тестирате за да откриете дали воопшто постои недостаток на витамин Д. Доколку сакате да го проверите нивото на витаминот Д, побарајте од вашиот лекар да ве упати на испитување на количината на овој витамин во крвта“, посочува нутриционистот.
Сепак, треба да се има на ум следново.
„Бидејќи витаминот Д е растворлив во масти, прекумерната употреба на овој витамински додаток може да доведе до штетни несакани ефекти како што се замор, губење на апетит, дехидрација, повраќање, конфузија или висок крвен притисок“, предупредува Ганс.