Ози Озборн изјави дека сака „непознат“ актер да го игра во претстојниот биографски филм за животот на него и неговата сопруга Шерон.
Семејството Озборн потврди дека филмот се подготвува за 2020 година, а официјалното објавување следеше во октомври минатата година. Ќе се фокусира на бурната врска на Ози и Шерон помеѓу 1979 и 1996 година.
Номинираниот за Оскар Ли Хол, кој ги напиша биографските филмови за Елтон Џон „Rocketman“ (2019) и „Billy Elliott“ (2000), го пишува сценариото за проектот. Најстарата ќерка на Озборн, Ејми, исто така е ангажирана во филмот.
За време на новото интервју за Consequences, поранешниот фронтмен на Black Sabbath рече: „Не сакам да ме глуми некој како Џони Деп. Повеќе би сакал некој кој е релативно непознат“.
Се уште не се објавени најави за кастингот.
Шерон претходно објасни дека претстојниот биографски филм ќе биде „многу пореален“ од продукцијата на „Bohemian Rhapsody“ на Queen од 2018 година, пренесува NME.
„Не го правиме за деца. Тоа е филм за возрасни“, рече Шерон.
Филмот ќе се занимава со минатото на Ози со зависност од дрога и алкохол, неговите насилни епизоди и други помрачни моменти од неговиот живот заедно со неговата сопруга Шерон. Но, пејачот рече дека не е загрижен поради ваквите инциденти кои ќе се појавуваат на големото платно.