Познатиот оскаровец и еден од најпознатите актери Леонардо ди Каприо долги години важи за едно од најценетите имиња во Холивуд. Сепак, овој актер успеа од јавноста да сокрие многу детали од приватниот живот кои дури неодамна беа откриени во јавноста.
Имено, холивудскиот шармер по потекло е од Русија – неговата баба Јелена Смирнова е родена токму во оваа земја во 1915 година, но подоцна со семејството се преселила во Германија.
По преселбата се омажила за Вилхелм Инденбиркен, го сменила името во Хелен и го зела неговото презиме. Токму во Германија во 1943 година ја добија ќерката (мајката на Леонардо) Ирмелин, која го запознала нејзиниот иден сопруг Џорџ ди Каприо за време на нејзините студии. По дипломирањето, парот се преселил во Лос Анџелес, каде го добиле синот Леонардo во 1974 година.
Актерот никогаш не криел колку е горд на своите корени, а досега неколку пати јавно зборувал за своето потекло, признавајќи дека е „полу Русин“. Исто така, зборувајќи за своето семејство, често нагласувал дека улогата на баба Јелена му значела.
– За мене таа беше олицетворение на внатрешната сила и интегритет – изјави Леонардо во интервју за еден руски магазин во 2012 година.