Американскиот актер и комичар Пит Дејвидсон, кој до неодамна беше во врска со Ким Кардашијан, наводно сега ја освоил манекенката Емили Ратајковски, јавуваат американските медиуми.
По неколкудневни шпекулации, сега се појавија првите фотографии од двајцата кои папараците ги фатиле во Њујорк.
Наводно, Пит и Емили се состанале за да го прослават 29-тиот роденден на Пит, а биле и модни усогласени – обајцата носеле соодветни црни јакни, бели маици и широки панталони.
Парот првпат бил виден кога Дејвидсон го возел својот автомобил до станот на Емили, а толку многу папараци се преплавиле околу нив што Емили, која претходно излегла да го пречека, втрчала назад во зградата додека комичарот си заминал.
Пит неодамна раскина со Ким Кардашијан поради разликата во години, пишуваат американските медиуми, а Емили моментално се разведува од продуцентот Себастијан Бер-МекКлард. Според медиумите, причината е неговата прељуба.
– Да, ја изневерил. Тој е прељубник. Одвратно – рекол изворот.
Не беше откриено со кого ја изневерил МекКлард, но дефинитивно беше првпат манекенката и актерката да се види без бурма. Според последните гласини, продуцентот се уште не се откажува од бракот со една од најубавите Американки.
– Себастијан ја моли да му даде уште една шанса. Тоа нема да се случи бидејќи истражувала и открила уште повеќе изневерување што ѝ го правел зад грб – истакнал неименуван извор за споменатиот портал.