Познатиот актер Кевин Спејси минува низ многу тежок период во животот, бидејќи е обвинет за уште седум сексуални престапи во Велика Британија, каде веќе се бори со низа слични обвиненија.
Тој е обвинет за серија сексуални напади помеѓу 2001 и 2004 година, а се трупаат дополнителни обвиненија.
Новите обвиненија вклучуваат по три за непристоен напад и сексуален напад, како и една точка за поттикнување лице на сексуална активност без согласност и две точки за непристоен напад и сексуален напад. „CPS“ не објави никакви дополнителни информации, цитирајќи строги правила на ОК кои забрануваат информации што „на кој било начин би можеле да им наштетат на овие постапки“.
Спејси (63) веќе се соочува со пет обвиненија поднесени во мај поради обвинувања меѓу 2005 и 2013 година, вклучително и периоди кога тој беше уметнички директор на 200-годишниот лондонски театар Олд Вик.
Покрај четирите точки од обвинението за сексуален напад со допирање, тие обвиненија вклучуваа и посериозно обвинение за поттикнување лице да се вклучи во пенетративна сексуална активност без согласност. Ѕвездата од „Куќа од карти“, оскаровецот, во јуни се изјасни за невин, а неговиот адвокат рече дека „силно“ ги отфрлал обвинувањата, пренесуваат странските медиуми.
Минатиот месец, поротата на федералниот суд на Менхетен го ослободи од тужбата во која се тврди дека сексуално го нападнал тогаш 14-годишниот актер Ентони Рап во 1986 година.
По масовните обвинувања, Спејси стана непожелен во Холивуд, а неговата кариера речиси и да не постои. Последно нешто за што слушнавме беше филмот за Туџман, каде Кевин Спејси го играше токму Фрањо Туџман и тоа на англиски.