Билетите за турнејата „The Eras Tour“ на Тејлор Свифт повеќе нема да се продаваат за пошироката јавност, објави Ticketmaster.
Имено, многу нејзини обожаватели се упатиле кон страницата за да купат билети, што предизвикало прекини на страницата и бавни редици.
– Поради екстремно високата побарувачка и недоволниот преостанат залихи на билети за да се задоволи таа побарувачка, утре јавната продажба за Тејлор Свифт | The Eras Tour е откажана, објави Тикетмастер во твит.
Компанијата го објави откажувањето неколку часа откако главниот извршен директор на најголемиот акционер на Live Nation го обвини порастот на побарувачката од 14 милиони корисници, вклучително и ботови, за прекините на страницата.
Тикетмастер продаде повеќе од 2 милиони билети само во вторникот и истакнува дека побарувачката за турнејата на Свифт од 52 датуми „може да исполни 900 стадиони“.
Да се потсетиме дека голем дел од побарувачката за турнејата на Свифт произлегува од рекордното издание на нејзиниот нов албум „Midnights“ и фактот што пејачката нема направено турнеја на стадиони од онаа за „Reputation“ во 2018 година. Нејзината турнеја „Lover Fest“ беше откажана поради пандемијата. „The Eras Tour“ треба да започне на 17 март во Глендејл, Аризона.