Кетрин Омани (50), реалити ѕвезда, тврди дека во 2006 година имала афера со принцот Хари, кој тогаш имал 21 година.
Според зборовите на Кетрин Омани, тие биле во врска два месеци, пренесува Дејли Мејл.
Таа по потекло е Британка, која учествувала во американското реално шоу „The Real Housewives of DC“. Го запознала принцот Хари во бар во Челзи во 2006 година, кога тој бил во долгогодишна врска со Челси Дејви.
Рекла дека откако се сретнале во барот, отишле во ноќен клуб, а потоа во куќата на негов пријател. Хари почнал сосема отворено да зборува со неа за животот. Потоа им правел сендвичи, а потоа танцувале. Пред да замине дома, се бакнале. Се сретнале уште неколку пати, а потоа се дознало за нивната романса, па врската завршила.
Дури во 2009 година, една година откако Омани се омажила по втор пат, повторно се сретнале на поло натпревар каде двајцата биле пријателски настроени.
– Се надевам дека Меган ќе се грижи за него. Му посакувам среќа и успех. Тој е многу храбро, харизматично, неверојатно смешно, интелигентно и мило човечко суштество – изјавила таа.