Одлична можност да пробате нешто поинакво
Состојки:
180 гр бисквити (може и посни бисквити)
60 гр какао во прав
За филот:
1 литар млеко (соино ако е посна верзија)
100 гр брашно
120 гр шеќер
20 гр путер (или посен маргарин)
80 гр чоколадо (или посно чоколадо)
Повеќе:
200 мл слатка павлака (може и посна)
2 лажици шеќер
1 лажица какао
Подготовка:
Изблендирајте го бисквитот, па додадете го какаото и измешајте. Истурете во тава и израмнете. Во тенџере истурете ги млекото, какаото, брашното и шеќерот. Добро измешајте, па процедете да не останат грутчиња. Додадете путер или посен маргарин и варете со постојано мешање додека не се згусне. Потоа тргнете од оган, додадете го чоколадото и мешајте додека не се соедини.
Може да матите и со рачен миксер за да нема грутчиња, бидејќи треба да добиете мазна смеса. Потоа прелијте ја врз бисквитната основа. Добро израмнете, па оставете да се излади на собна температура, па во фрижидер 2 часа. Слатката павлака (или посна слатка павлака) изматете ја со какаото и шеќерот, па премачкајте ја преку филот. Исечете ленти и завиткајте со шпатула.
Пријатно!