Грицкањето одредени јаткасти плодови секој ден може да го намали вашиот апетит и да ви помогне да изгубите тежина, според една нова студија.
Јадењето бадеми може да им помогне на луѓето да ја задржат својата тежина под контрола, покажа новото истражување, пишува The Sun.
Истражувачите откриле дека јадењето 30 до 50 грама јаткасти плодови со хранливи материи помага во намалување на апетитот.
Во студијата, оние кои јаделе бадем наместо ужина со јаглени хидрати, го намалиле внесот на енергија за 72 калории на следниот оброк.
– Прекумерната тежина или дебелината се голем јавно здравствен проблем, а одржувањето на тежината преку подобра хормонална реакција може да биде клучно за промовирање на управувањето со тежината – рече д-р Шарајах Картер од Универзитетот во Јужна Австралија.
– Нашето истражување ги испитуваше хормоните кои го регулираат апетитот и како јаткастите плодови, особено бадемите, можат да придонесат за контрола на апетитот.
– Откривме дека луѓето кои јадат бадеми имаат промени во хормоните кои го регулираат апетитот и дека веројатно придонеле за намален внес на храна – објаснил докторот.