Чистењето на бањата е една работа, но дали некогаш обрнувате внимание темелно да ја исчистите завесата за туш или када? Иако мислите дека е доволно само да ја исплакнете после секое туширање, сепак не е баш така. Често се направени од некаков вид пластика или платно, па поради материјалот и постојаниот контакт со вода се чест извор на бактерии. Исто така, може да стане мувлосана до тој степен што единственото решение е да го фрлите.
За да спречите тоа да се случи, следете ги овие едноставни совети.
Треба да ја чистите завесата за туширање на секои три месеци. Ако не поминале три месеци, но забележите мувла, промена на бојата или непријатен мирис, тоа значи дека е време за чистење. Имате неколку опции за тоа како да го направите ова.
Чистење на завесата за туширање во машина за перење
Ако завесата е направена од ткаенина, ставете ја во машината за перење на програма што користи топла вода и користете нежен детергент за перење. Бидете сигурни да го изберете најнежниот циклус за да избегнете оштетување.
Ако вашата завеса е направена од пластика, користете ладна вода и фрлете неколку крпи заедно со неа за да спречите завесата премногу да се збрчка. Погрижете се добро да се исуши.
Ако вашата завеса за туширање има многу видлива мувла, додајте половина шолја белило без боја. Многу малку бактерии можат да го преживеат третманот со разредено белило за домаќинство.
Рачно перење завеса за туширање
Ако сакате да го направите тоа на рака, измешајте еднакви количини оцет и вода во шише со распрскувач и испрскајте го растворот на мувлосаната површина. Оцетот ќе помогне да се разбие мувлата и сапунот што се насобрале на завесата. Повторете го овој процес на сите други проблематични области на завесата, а потоа исплакнете ја завесата со топла вода од врвот до дното и оставете да се исуши на воздух, вели Self.