Веројатно дома веќе имате се што ви треба!
Пред да размислиме за купување специфични средства за отстранување дамки, може да се обидеме да искористиме нешто што веќе го имаме во домот, за кое инаку се тврди дека е ефикасно. Сигурно сте слушнале дека идеалното решение за дамките од маснотии не е ништо друго туку бебешка пудра, односно талк.
Решивме да се увериме и да се обидеме да ја „спасиме“ свилена ноќница. Оваа дамка е предизвикана од масло за тело. Водени од советите, решивме да го пробаме овој трик и да докажеме дали е навистина ефикасен.
Нанесете произволна количина бебешка пудра на дамката, во зависност од големината на дамката, а потоа лесно истапкајте ја пудрата со прстите на целната област. Оставете да отстои некое време, идеално половина час, иако ако сте во брзање можете да ја оставите и помалку.
Со крпа или со остатокот од ткаенината истријте го местото со дамката, а потоа протресете ја облеката за да се отстрани вишокот пудра и уште еднаш убаво избришете се со сува крпа или пешкир. На потемните работи ќе има малку белина од пудрата, но тоа ќе се отстрани многу лесно со вода.
Овој трик навистина дава резултати – успеавме да ја отстраниме дамката.