Затнат одвод во кујната или бањата автоматски ги остава овие простории нефункционални. Да се чека мајсторот и да се грижите колку ќе наплати за чистењето не е воопшто пријатно, но во многу случаи можеме да спречиме затнување на одводите во домот доколку редовно ги одржуваме.
Исто така, пред да се јават кај професионалец, многумина прво ќе прибегнат на хемиски средства за чистење, но има и домашни средства кои можат да бидат исто толку ефикасни, пишува Express.
1. Зовриена вода
Најчеста причина за затнати одводи во бањата е таложење на влакна и/или остатоци од сапун. Првиот ефикасен „лек“ што можете да го пробате е да налиете голема количина врела вода.
Сепак, имајте на ум дека овој метод е поефикасен за отпушување на одводите во бањата отколку во кујната.
Но, доколку живеете во куќа и имате ПВЦ цевки, треба да го прескокнете овој чекор, или да користите топла, но не и врела вода за да не ги оштетите цевките.
2. Двете најсилни средства за чистење во домаќинството
Ако зовриената или топла вода не го решиле проблемот, експертите советуваат „да ги комбинирате двете најсилни средства за чистење домаќинство“ – сода бикарбона и обичен бел оцет.
– Прво истурете топла вода во одводот, а потоа измешајте еднакви количини сода бикарбона и оцет во бокал. Течноста ќе почне да пени поради хемиската реакција и тогаш треба да ја истурите во одводот и да ја оставите да делува еден час. Исплакнете по еден час – советува Џејмс Робертс, директор на компанија која продава санитарна опрема.
3. Исти сојузници, различен принцип
Постои уште еден начин да се отпушти одводот.
Според експертите на Експрес, прво истурете проточна вода во одводот, а потоа додадете осум лажици сода бикарбона, прелијте ја со 200 милилитри обичен оцет и оставете да отстои десет минути. На крајот, исплакнете со топла вода.