Познатата манекенка Хејли Бибер ќе ги пречека гледачите во својата кујна и ќе готви јадења што сака да ги јаде, а многумина веруваат дека ја ископирала Селена Гомез, поранешната девојка на нејзиниот сопруг Џастин Бибер.
„ТикТок“ брзо стана извор за најновите вести за познатите личности, а Хејли Бибер е име кое предизвикува интерес. Манекенката и сопруга на суперѕвездата Џастин Бибер се огласи на платформата за да ја објави новата серија за готвење што ја емитува на „YouTube“, на големо возбудување на нејзините следбеници. Додека многумина едвај чекаат да ја видат нејзината магија во кујната, други се скептични за нејзините готвачки вештини (и нејзината мотивација која стои зад новиот потфат).
Новото шоу на Хејли, наречено „Што има во мојата кујна?“, ќе ја прикажува во нејзината вистинска домашна кујна, каде што ги готви оброците во кои ужива.
Во својата објава на „TikTok“, ѕвездата рече дека е „толку возбудена“ што може да сподели со своите обожаватели се што прави во кујната – но некои од коментарите се чини дека повлекуваат немилосрдна паралела со Селена Гомез и нејзиното хит шоу на HBO „Selena + Chef“.
Шоуто на Селена ја следи пејачката и актерка на почетничко кулинарско патување, каде што ѝ се придружува импресивна екипа готвачи и личности како што е Гордон Ремзи. И покрај оваа споредба, Хејли тврди дека нејзината нова серија за готвење е инспирирана од интересот за нејзиниот вирален тост за пица, кремастите тоскански тестенини, смути и друго.
Иако „Entertainment Tonight“ тврди дека таа и Селена се во добри односи по нивната неочекувана заедничка фотографија, се чини фановите сè уште уживаат во секоја можност да поттикнат драматична приказна за ривалство, известува „EatThis“.