Светките не се резервирани само за празници и прослави, иако тогаш често ги гледаме во продавниците. Во споредба со количината на изборот, ова е секогаш најдобрата опција за новогодишната ноќ. Со нив нема да погрешите, а ако мислите дека не се толку модерни оваа сезона, се лажете. Најчесто ги гледавме на овогодинешните Греми награди, а кога ѕвездите како Рис Витерспун, Кристина Ричи и Сандра О носат нешто, тогаш нема сомнеж.
Секогаш има време и место за фустан со светки – без разлика дали барате мини, макси, миди или балски фустан. Искрено, без оглед на стилот што ќе го изберете, едноставно не можете да погрешите со светкави фустани, па дури и со таков костум!
Без разлика дали се работи за вечера, матурска или коктел забава, гламурот на блескав вечерен фустан добро ќе ви дојде. Ако сакате да изгледате гламурозно на некој посебен настан, тогаш дозволете ни да ви кажеме дека фустанот со светки ќе ги украде сите погледи. Од друга страна, доколку сакате малку поинаков изглед, тогаш елегантен костум со светки ќе ви го даде посакуваниот ефект. Дијамантите, накит и светки додаваат димензија на ткаенината и прават да се чувствувате гламурозно.
Ова се најдобрите предлози за новогодишни комбинации.
Долг фустан
Можеби мислите дека ќе биде премногу, но не можете да погрешите со макси фустан со светки во потемна боја. Ако има длабоко деколте, прерамки или гол грб – купете го без размислување. Темно црвена, смарагдно зелена, тегет и црна се боите што треба да ги изберете кога станува збор за оваа должина на фустанот.
Комбинезони
Без оглед на кројот и материјалот, комбинезонот е непогрешливо гламурозен избор. Изберете ги оние со пошироки нозе и малку подолги или „глувчешки“ ракави. Кога станува збор за комбинезони, изберете бели и сребрени тонови.
Костум
Некои костуми со светки ќе бидат целосно во светки, додека други ќе ги имаат само на реверите на сакото ако сакате малку помалку раскошна верзија. Црната боја е секогаш докажан избор, а одоздола носете обично црна боди кое го истакнува деколтето. Кошула и полуролка не се вистинскиот избор за вечерни прослави во комбинација со ваков костум.
„Oversized“ фустан
Дури и фустан кој нема струк во комбинација со светки е вистински хит за прослави. Изберете еден во поживи бои и спојте го со детали во сосема поинаква боја.