Сандра Ѓуретиќ работела за семејството на Здравко Чолиќ и нема ништо друго освен пофалби за него
Пејачот Здравко Чолиќ е познат по тоа што луѓето го сметаат за човек од народот. Секогаш е пристапен и фин, а неговите добри манири многумина ги забележуваат. Една од нив е блогерката и готвачка Сандра Ѓуретиќ. Таа имала можност да работи за пејачот, а работела и во ресторан со национална кујна кој Чолиќ често го посетувал.
Таа откри што пејачот најмногу сака да јаде и во каква храна ужива.
– Секогаш нарачуваше домашни јадења кои беа на менито на ресторанот тој ден. Сакаше домашни лепчиња и проја што ја месев. Честопати доаѓаше со семејството, па дури и телефонски нарачуваше храна и доаѓаше само да ја земе. Бидејќи беше ресторан со национална кујна, немаше модерни колачи, но правевме вистинска мрзлива пита, кремпити што ги правеа нашите баби, како и пити со ореви. Сето тоа многу го сакаше – изјави еднаш блогерката и готвачка.
Она што е многу интересно е односот што Здравко го имал со вработените во тој ресторан.
– Беше наш редовен гостин и пред се човек од народот, со светол и ведар дух, секогаш добредојден и насмеан. Секогаш кога доаѓаше во ресторанот, прво одеше во кујната да не поздрави нас кои работиме таму. Никој од познатите не го прави тоа – вели Сандра.