Рачките на вратите, компјутерските тастатури, далечинскиот управувач на телевизорот и мобилните телефони се едни од највалканите работи во куќата.
Проф. Џоана Веран од Универзитетот Манчестер Метрополитен спроведе истражување кое покажува дека секретите на нашето тело (како потта) се таложат на нашите раце, кои се идеална почва за бактерии. Според научниците од Велика Британија, на мобилните телефони има пет пати повеќе бактерии отколку на даска за сечкање или кваки.
Најголемата опасност доаѓа од постојаното загревање на телефоните, затоа што ги носиме во џебови или чанти. Топлината е најповолна за размножување на многу бактерии, вклучувајќи E. coli, разни видови стрептококи и стафилококи.
Затоа е подобро да избегнувате да го носите со себе во тоалет, а доколку навистина не можете без него, подобро би било да го чистите со средство за дезинфекција после секое користење на тоалетот!