Карито се прави како мешавина од неколку состојки: куркума, коријандер, бибер, ким и чили. Исто така, вообичаени додатоци се сенфот, црниот пипер, ѓумбирот итн.
Составен дел на овој зачин е куркумата која со причина е наречена кралица на зачините.Она што го издвојува ова растение од другите е широк спектар на антиоксиданси, но и антивирусни, антибактериски, антимикотични, антимутагени, антиинфламаторни и антиканцерогени својства.
Станува сè позастапено во готвењето бидејќи содржи и протеини, витамини Ц, Е и К, бакар, калциум, калиум, железо и цинк, ниацин и растителни влакна.
Црниот пипер ја подобрува апсорпцијата на корисни растителни компоненти од други лековити растенија, а најдобар пример е куркуминот, соединението во куркумата што му ја дава својата карактеристична портокалова боја. Заедно, куркумата и биберот даваат фантастични ефекти при слабеење, топење на масните наслаги, намалување на холестеролот и спречување на депресија.
Ѓумбирот содржи над 100 биоактивни соединенија, минерали, витамини Б6, Б12, магнезиум, натриум, калциум, железо и други елементи. Се користи не само како билка, туку и како лек и превентивно средство за зајакнување на отпорноста на организмот. Може да го подобри ефектот на антибиотиците и циркулацијата.
Карито, како мешавина од здрави зачини, благотворно делува на здравјето на срцето и коските, ги убива бактериите, го чисти црниот дроб од токсини, богат е со антиоксиданси и може да помогне во ублажување на болката и воспалението.