Одењето во кревет со шминка на лицето е катастрофална грешка
Ако мислите дека знаете сè за правилната нега и одржување на кожата, можеби сега е време да ги преиспитате вашите ставови. Постојат многу митови и заблуди за негата на кожата, а некои од нив можат да имаат исклучително негативно влијание врз изгледот и здравјето.
Затоа, многу е важно од кого сте ги усвоиле навиките за досегашниот метод за нега на кожата. Некои жени добиле совет од нивната баба или мајка, некои ги слушале своите пријателки или сестри. И сега се поставува прашањето кој е во право, а чија кожа повеќе трпи. Затоа е вистинско време конечно да престанете да верувате во митовите и заблудите за нега на кожата.
Не е важно дали спиете со шминка
Некои жени признаваат дека понекогаш се премногу уморни за да ја извадат шминката и темелно да го исчистат лицето пред спиење. Наместо да се посветат на тоа, тие веднаш ги облекуваат пижамите, се фрлаат во кревет и утрото го дочекуваат со пудра на перницата, залепени трепки и размачкана сенка за очи. Ова е најголемата можна грешка што можете да ја направите.
Старата шминка ја задржува нечистотијата што се насобрала на лицето во текот на денот. Ги затвора порите и ја задржува несаканата маснотија на кожата. Ова значи дека ако спиете со шминка, ќе се изложите на ризик од сушење на кожата, несакани мозолчиња и предвремено стареење. Значи, митот дека не е страшно да се спие со шминка и дека не секогаш ви треба крема за чистење и тонирање, односно вадење шминка, веднаш го кршиме.
Брчките нема да се појават на добро хидрирана кожа
Веројатно сте биле во контакт со жени кои отсекогаш се грижеле кожата да ја одржуваат хидрирана со адекватен крем. И навистина, овие жени обично имаат мазна и свежа кожа на лицето. Сепак, ова не е единствената тајна за прекрасниот изглед на нивната кожа. Хидратантните состојки во кремите само ја задржуваат влагата, тие не прават ништо повеќе од тоа. За долготраен третман на брчки потребен ви е специјален производ со состојки кои ги омекнуваат или елиминираат брчките.
Во овој случај најдобро е да се консултирате со вашиот дерматолог. Ќе добиете препорака за крем против брчки според типот на вашата кожа. Но запомнете дека покрај кремот против брчки треба да користите и хидратантна крема, за да ја одржите влажноста на кожата и да спречите таложење на штетни материи однадвор.
Чоколадото и мрсната храна предизвикуваат акни
Сигурно веќе сте ја слушнале теоријата дека оние кои јадат брза и калорична храна, како и премногу слатки, имаат акни и мозолчиња од кои не можат да се ослободат. Сепак, вистината е дека не постои храна која конкретно предизвикува проблеми со кожата. Ниту едно чоколадо нема да создаде мозолчиња, но нездравата исхрана без доволно хранливи материи кои му се потребни на целото тело ќе ги предизвика.
Ако не пиете доволно течности и не јадете здрава храна, тоа ќе се покаже на вашата кожа. Обидете се да вклучите повеќе овошје, зеленчук, риба, јаткасти плодови и храна богата со вода во вашата исхрана. Вашата кожа ќе ви се заблагодари и тоа брзо ќе се покаже.
Ако вашата мајка на 60 години изгледала како да има 40, така ќе изгледате и вие
Ова е мит во кој многу жени веруваат, па затоа не почнуваат навреме да се грижат за својата кожа. Вистина е дека генетиката игра важна улога во здравјето на кожата. Сепак, факторите како што се надворешните околности, исхраната и начинот на живот не треба да се занемарат. Ако сте ја наследиле кожата на мајка ви и сте живееле живот сличен на нејзиниот, веројатно ќе изгледате како неа.
Но, ако вашите навики многу се разликуваат, прашањето е како кожата ќе се справи со тоа. Има и друга страна на оваа приказна. Ако кожата на вашата мајка го изгубила квалитетот и еластичноста со текот на годините, тоа не значи дека и вие ќе го изгубите квалитетот. Со соодветна грижа, можете да избегнете слаб квалитет на кожата и предвремените брчки.
Третманите се губење време, бидејќи се можете да направите дома
Заблуда во која многу дами веруваат е дека можат да направат професионален третман на лице дома, за да заштедат пари и време. Тоа е како да мислите дека можете сами да направите совршена фризура. Секако, невозможно е да го постигнете истиот ефект доколку правите домашен пилинг на лице и нанесувате маски за лице од парфимерии.
Козметичарите имаат долгогодишно искуство со различни типови на кожа, купуваат специјални препарати и алатки за третмани. Професионалното лице ќе ја исчисти вашата кожа подлабоко и потемелно од која било купена или домашна маска.