На крајот на краиштата, белите лаги можеби нема да болат
Во повеќето случаи, она што навистина го мислиме кога бараме изненадување од нашиот партнер е да провериме колку добро не познава.
Сите ние би сакале во такви моменти да откриеме дека тој толку добро не познава, што речиси никогаш не треба да му кажеме што сакаме.
Сепак, понекогаш немаме право да бидеме разочарани. Едноставно, луѓето сè уште не сфатиле како да читаат мисли.
Треба да се разбере дека купувањето подарок за некој близок е прилично стресно и секој се обидува да избере нешто совршено.
– Прво, ако добиете подарок од партнерот кој воопшто не ви се допаѓа, важно е да кажете „благодарам“ и да ја пофалите нивната дарежливост – вели терапевтот за односи Стина Сандерс.
Што треба да направите потоа зависи од сериозноста и должината на вашата врска.
Нова врска
Сандерс вели дека во новата врска, мала „бела“ лага не би повредила никого.
– Ако немате голема морална дилема за користење на мали лаги – употребете една. Немојте навистина да лажете и да кажете дека подарокот ќе го користите секој ден или дека ви се допаѓа. Само кажете „благодарам“ и ценете ја нивната љубезност.
Во раните фази на врската, вашите очекувања не треба да бидат превисоки. Сандерс вели да нагласите колку ја цените внимателноста и трудот.
Можете и на благ начин да навестите дека подарокот не ви се допаѓа. Кажете дека, на пример, наместо купените црни патики, вие преферирате бели.
Можете да реагирате само со насмевка и „благодарам“.
Долга врска
Со партнерот „на долги стази“, разумно е да очекувате подобар подарок, кој ќе одговара на вашите желби.
Ако подарокот е за нијанса поинаков отколку што се надевавте, не мора да правите драма.
Меѓутоа, ако подарокот е навистина непромислен, вреди да се истакне тоа.
Понекогаш искреноста е најдобрата политика. Сандерс советува слободно да му кажете на партнерот дека мислите дека подарокот не е доволно добар за вас и дека не ви одговара.
Во зависност од односот со партнерот, можете да бидете малку разиграни со него.
– Доколку имате отворена врска со партнерот и двајцата имате одлична смисла за хумор, кажете ја вистината и смејте се заедно. Не заборавајте да му оддадете признание за неговите напори, и пожалете се само ако сте сигурни дека неговите чувства нема да бидат повредени – советува Сандерс.
Напишете листа на желби
За да избегнете повторни разочарувања во иднина, Сандерс ве советува да направите список со желби и да му го претставите на партнерот. Некои луѓе едноставно не се креативни, а списокот со желби ќе биде сосема легитимен и добар водич за тоа што ќе ви се допадне.
– Не мора да биде список, но ако знаете што сакате и однапред му дадете на вашиот партнер неколку опции, навистина можете да му помогнете да избегне лоши подароци,
Бидете пример
Доколку на партнерот му купите подарок што ќе го воодушеви, слободно објаснете му како дојдовте до идеја да му го купите токму тоа.
Бидете директни
– Пред да добиете плакар полн со несакани подароци, искрено кажете му на партнерот дека ја цените неговата идеја, но дека подобро би било подарокот да го замени со нешто друго, да речеме некој потемен модел на фармерки, кој повеќе би ви одговарал – заврши таа.